Reyna ng Barangay 170

Tanging ang Mahal na Birhen ang nag-iisang reyna para sa mga mamamayan ng Barangay 170 ng Gagalangin, Maynila. Ito ay pinatutunayan ng sari-saring parangal na ipinagkakaloob nila sa Mahal na Ina, lalo't higit tuwing sumasapit ang Buwan ng Santo Rosaryo, kung saan araw-araw na iniiikot ang imahen ng Ina ng Santo Rosaryo, na pag-aari ni Ginoong Roberto Isip, sa iba't ibang bahay upang pagpugayan ng bawat pamilyang dinadalaw nito.

At sa pagdating ng katapusan ng buwan ng Oktubre, isang maringal na Living Rosary at prusisyon naman ang idinadaos sa piling lugar sa Barangay.

Ang debosyong ito sa Mahal na Birhen ay pinasimulan ng noo'y Kagawad na si Pietro S. Albano at hanggang sa ngayon ay ipinagpapatuloy ni Chairman Benifredo Basa at ng Queen of Families Group sa pangunguna ni Sis. Lucita Lina. (MkF)

Photos courtesy of MRS. AIDA S. ALBANO